Даниил Пахомов бэлиэтээбитинэн, аэропорт комплексын уларытан оҥоруу таһынан, кадр боппуруоһугар үлэ барар, ол иһигэр инженердарга, суоппардарга. Дьарыктаах буолуу киинин, үөрэх тэрилтэлэрин кытта үлэлииллэр, кадры хат үөрэтии уонна исписэлиистэргэ иһитиннэрэр интернет-былаһааккаҕа үлэ ыытыллар.
Санаттахха, «Полярнай» аэропортка сөмөлүөт көтөр балаһата оҥоһуллар. Ил Дархан Айсен Николаев 2022 сыл атырдьах ыйыгар «О развитии Мирнинского района Республики Саха (Якутия) на период до 2030 года» илии баттаабыта. Онно олоҕуран АЛРОСА-ны кытта Мииринэй куоратын маастар-былаана оҥоһуллубута. Билигин эбийиэктэр тутуллаллар, ол иһигэр «Полярнай» аэропорт комплекса.
Билигин 1500 миэтэрэ балаһа уларытылынна. Саҥа авиарейстар баар буоллулар. Холобур, Красноярскайга быһа көтүү олохтонно. Реконструкция үлэтэ ахсынньыга түмүктэниэҕэ.
