«Жилой сектор» суһал-сэрэтэр тэрээһин кэмигэр Дьокуускай полициятын сотрудниктара итирдэр утаҕы көҥүлэ суох атыылыыр биэс түбэлтэни буллулар. Ол түмүгэр 65-тэн тахса лиитэрэ арыгы тутулунна.
Кэһиилэр бородуукта маҕаһыыннарыгар Каландаришвили, Якутскай уулуссаларыгар уонна Хатыҥ-Үрэх шоссетыгар көһүннүлэр. Манна итирдэр утахтары сокуонунан көҥүллээх бириэмэ — 20.00 чаас — кэнниттэн атыылыыллара билиннэ.
Федор Попов аатынан уулуссаҕа арыгыны атыылааһын быраабылатын кэһии баара булулунна.
Октябрьскай уулуссатыгар полиция үлэһиттэр 42 саастаах бутлегеры туттулар, кини бэйэтин массыынатыттан атыылаата. Тырааныспары көрүү кэмигэр арыгы булуллан, тутулунна.
Буруйдаахтарга административнай боротокуоллар туоллулар.
This post was published on 29.07.2025 14:08 14:08