«Полиметалл» тэрилтэ 2 млрд кэриҥэ солкуобайга Томпо улууһун Тополинай бөһүөлэгиттэн Дьааҥы Барылаһыгар диэри 350 килэмиэтир суолу тутуо. Бу туһунан Ил Дархан Айсен Николаев Хандыгаҕа ыыппыт мунньаҕын кэмигэр эттэ.
Өрөспүүбүлүкэ бэйэтин өттүттэн эмиэ 2 млрд солкуобай кэриҥэ харчыны суолу тутууга угуо. Ити үпкэ өрөспүүбүлүкэ суолу тутааччылара «Яна» региональнай таһымнаах суолга – «Халыма» федеральнай трассатыттан Томпо Тополинайыгар диэри суолу өрөмүөннүөхтэрэ итиэннэ ити суолга түөрт муостаны тутуохтара. Айсен Николаев иһитиннэрбитинэн, Барыласка диэри суолу «Полиметалл» тутан баран, өрөспүүбүлүкэ бас билиитигэр биэриэ.
This post was published on 21.12.2020 15:01 15:01