Бэс ыйын 21 күнүгэр күнүс 12:00 чааска 37-с №-дээх баһаарынай чаас диспетчеригэр Покровскай куоракка сыбаалка сирэ умайа турарын туһунан иһитиннэрии киирбит. Ыҥырыыга баһаарынай харабыл сулууспата тахсыбыт, диэн Саха сирэ суруйар.
«Партнёр» ХЭУо бэдэрээтчит тэрилтэтин эппиэтинэстээх үлэһитин иһитиннэрбитинэн, уот төрдө сыбаалка киинигэр хаалбыт, күүстээх буруоттан сылтаан онно тиийэр кыах суох, баһаары икки киһи кэтиир-маныыр. Бу туһунан «Хангаласские» ТГ-ханаала иһитиннэрэр.
Бэҕэһээ киэһэлик Покровскай куорат сыбаалкатын баһаарын буруота тарҕаныыта эбии күүһүрбүт. Бэс ыйын 24 күнүнээҕи туругунан, Покровскай куоракка салгын киртиийбитэ бэлиэтэммит — сера диоксидын таһыма 4 төгүл куоһарбыт.
This post was published on 25.06.2025 11:14 11:14