Покровка олохтооҕо Иван Петров өрөспүүбүлүкэ, улуус олоҕун сахалыы ааҕар. «Амма олоҕо» эрэдээксийэ салайааччыта Наталья Бубякина олохтоох хаһыакка сурутуу дьаһалларын туһунан СИА-ҕа кэпсээтэ.
«Амма олоҕо» хаһыат кылаабынай эрэдээктэр Наталья Бубякина иһитиннэрбитинэн, оройуон хаһыатын биир сылга суруйтарбыттар ортолоругар лотерея оонньоммут. Онно 20 000 солкуобайдаах сертификат хаһаайынынан Покровка нэһилиэгин олохтооҕо Иван Петров буолла.
«Иван Петрович улуус хаһыатын сурутан аахпыта үһүс сыла. Сахалыы ааҕарга үөрэнэбин, өйдүүргэ кыһаллабын диир. Бэйэтэ олохтоох оскуолаҕа 26-с сылын харабылынан үлэлиир. Покровка төрүт олохтооҕо. Эрдэ Воронежскай уобаласка олорон собуокка үлэлии сылдьыбыт. Ол гынан баран дойдутун кыһынын ахтан төннөн кэлбит«, — диэн хаһыат салайааччыта кэпсээтэ.
This post was published on 02.02.2022 15:01 15:01