Дьокуускайга Үп уонна социальнай өҥөлөр дьаарбаҥкалара буолла. “Куруһаала” эргиэн киинигэр муус устар 10 күнүгэр Үп уонна социальнай өҥөлөр дьаарбаҥкалара буолла. Кэлбит дьон бары араас сүбэ-ама ыллылар.
“Үп-харчы туһунан билиилээх буолуу – бу нэһилиэнньэ туруктаах буолуутун туоһута. Хас биирдии киһи бу эйгэҕэ сатаан дьаһанар буолуохтаах”, — диэтэ Саха сирин үбүн миниистирэ Валерий Жондоров.
Кини бу тэрээһин федеральнай бырагыраамаҕа олоҕуран ыытылларын эттэ. Уонна атын регионтан кэлбит ыалдьыттары билиһиннэрдэ. Чуолаан, Башкортостан өрөспүүбүлүкэтин үбүн миниистирин солбуйааччы Лира Игтисамованы.
Сүрүн болҕомто үп пирамидаларыгар уурулунна. Уһук Илин Киин бааныттан кытта кэлбит сүрүн эксперт Ольга Власова кутталлаах түгэннэртэн хайдах көмүскэнэр туһунан кэпсээтэ.
Айаал Яковлев, СИА,
Мария Васильева түһэриитэ.
This post was published on 11.04.2018 12:30 12:30