Ыччат дьыалаларыгар уонна социальнай коммуникацияларга миниистир Петр Шамаев 2024 сыллаахха СВО зонатыгар байыаннай сулууспаны ааһарга хантараак баттаспыта. Билигин дуоһунаһыгар киирдэ. Ол туһунан кини телеграм-ханаалыгар суруйда.
«Министиэристибэҕэ, тохтобул кэнниттэн, бүгүн бастакы үлэм күнэ. Өр кэм буолан баран, көстүүм кэттим. Маннык таҥастан тэйбит курдукпун. Планеркаҕа кэлэктиибим улахан аҥарын билбэтим — саҥа сотрудниктар баар буолбуттар. Ол аата, саҥалыы үлэлиибит. Ыччат министиэристибэтигэр үлэм көрүүтэ уларыйда. Хайысхалары сааһылыахпыт уонна саҥа үлэ сылыгар былааннаһыахпыт. Ону билигин оҥорор наада», — суруйда Петр Шамаев.
Санаттахха, Петр Шамаев 2024 сыл күһүнүгэр СВО зонатыгар Ийэ дойдуну көмүскүү туруммута. Ити кэмҥэ миниистир э.т. Россия Геройа, «Время Героев» бырагыраама кыттыылааҕа Игорь Юргин үлэлээбитэ. Кини билигин РФ үөрэххэ министиэристибэтигэр көһөн үлэлии сылдьар.
This post was published on 04.08.2025 19:11 19:11