Петр Кулаковскай Саха сирин «Звезда - 2023» куонкуруска көрдөрүөҕэ

Фото предоставлено героем публикации

Ырыаһыт уонна телебиэрии ыытааччыта Петр Кулаковскай Саха сирин «Звезда» Россиятааҕы ырыа куонкурсугар көрдөрүөҕэ. Тэрээһини «Звезда» телеханаал ыытар.

СИА-ҕа артыыс кэпсээбитинэн, кини Леонид Агутин уонна Владимир Пресняков «Аэропорты» ырыаларын толоруоҕа. «Долгутуулаах. Ырыаны куонкурсу тэрийээччилэр талаллар. Бэйэм эбитим буоллар, саха эстрадатыттан талыам эбэтэр бэйэм суруйууларбар ыллыам этэ», —диэтэ артыыс.

Кини бэлиэтээбитинэн, устуу тохсунньуга ыытыллыбыт, ити эрээри куонкурус эпииргэ муус устарга тахсар. «Петр муҥутуур өйөбүлү ыларыгар эрэллээхпит. Жюри санаатынан финалга киирбэтэх биир дойдулаахтарын регионнар интернет-куоластааһынынан өйүүр кыахтаахтар», — диэтилэр тэрийээччилэр.

«Звезда» куонкурус — үгэскэ кубулуйбут Россия бары регионнара кыттар ырыа куонкурса. Дойду саамай талааннаахтара мустан, бэйэлэрин дойдуларын ааттарыттан кытталлар, көрдөрөллөр.

Телевизоры көрөөччүлэр уонна экспертэр уһулуччу вокалистары талыахтара. Куонкурус РФ оборонаҕа министиэристибэтин уонна РФ култуураҕа министиэристибэитин өйөбүллэринэн ыытыллаллар.

This post was published on 20.03.2023 14:01 14:01