20 Атырдьах ыйа 20.08
  • 14°
  • $ 59,13
  • 59,39

«Петр Бекетов» быйылгы навигацияҕа таһаҕаһы бастакынан тириэртэ

«ЛОРП» «Петр Бекетов» теплохода бастакынан нефтеналивной флоттан таһаҕаһы наадыйааччыларга тириэртэ.  Ыам ыйын 12 күнүгэр Осетровоттан танкер таҕыста. Билигин уу аала Ленскэй нефтебазатыгар сүөкэнэр, суруйар СИА пароходство пресс-сулууспатыгар сигэнэн. 

Ыам ыйын 22 күнүгэр Осетровоттан Ленскэйгэ  ЛОРП Киренскэйдээҕи судоходнай учаастагын бириискэтин «Аян» буксира тигистэ. Састаап МП-2519 баржаны кытта 252 улахан диаметрдаах турбалары тиксэрдэ. Таһаҕас уопсай ыйааһына 2280 тн. Экипаһы уопуттаах капитан — механик бастакы көмөлөһөөччүтэ Сергей Суханов салайар.

Ыам ыйын 23 күнүнээҕи туругунан, ЛОРП тэрилтэ эксплуатациятыгар 55 тырааныспар баар: 21 ньиэп сүөкүүр уонна 34 кураанах таһаҕаһы тиэйэр флот. Осетровоттан «Ульяна Громова» буксир МН-1701 баржаны кытта таҕыста, метанол тиэйиилээх. Бүлүү эбэнэн Кыһыл Сырга тиийиэхтээх. Өлүөхүмэҕэ гиипсэни тийэиигэ туруннулар. МП-2586 баржа тиэннэ, МП-2507 баржаҕа гиипсэни тиэйэллэр. Кинилэри кытта «Конда» буксир үлэлиир.

Дьокуускай аннынан муус хамсаата. Жатайга «РТ-774», «РТ-484», «Клязьма», «ОТ-2038;2048» уонна «Механик Мельников» үлэлииллэр. «Капитан Бородкин» уонна «Капитан Бабичев» ледоколлар баржалары муустан босхолууллар. Муус барбытын кэннэ Бүлүү эбэҕэ тахсыахтара «Сибирские» — «Капитан Орлов», «Капитан Шандровский», «Дионисий Хитров» уонна буксирдар. «СК-2022» ууга таһаарылынна, Дьокуускай — Аллара Бэстээх сылдьыаҕа.

Алдан өрүскэ уу муустан ыраастаннаҕына Дьабарыкы Хайа диэки Аммаҕа анаммыт чоҕу тиэйэ  «РТ-731; 776», «Иннокентий Высоких», «Суетин», «Капитан Зырянов», «ОТ-2050», «СК-2040», п/к Т-921 уу ааллара турунуохтара.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар