Арассыыйа бэрэсэдьиэнин пресс-сэкэрэтээрэ биллэрбитинэн, вакцианцияны уонна ыалдьан баран үтүөрбүт дьону туоһулуур сэртипикээттэр болдьохторо техническэй үлэлэртэн сылтаан кэһиллибит.
«Госуслуги порталын тупсарар туһугар күннэтэ үлэ бөҕөтө ыытыллар, инньэ гынан, техническэй кэһиллиилэр буоллулар. QR- код үлэлиир болдьоҕун аччатар туһунан кэпсэтии барбат даҕаны, барыа да суоҕа. Онон куттанар оруна суох«, — диэн Дмитрий Песков эрэннэрдэ.
Бэҕэһээ Госуслуги сайтыгар, элбэх киһи сэртипикээттэрин болдьоҕо кэһиллибитин бэлиэтээбитэ. Маныаха РФ Доруобуйа харыстабылын министиэристибэтэ уонна Сыыппара сайдыытыгар министиэристибэтэ иһитиннэрбиттэринэн, сэртипикээттэр болдьохторун чөлүгэр түһэриэхтэрэ.
Бу күннэртэн коронавирус дьаҥын утары вакцинаны ылбыттарга саҥа сэртипикээти биэрэн саҕалыахтара.
This post was published on 09.11.2021 13:03 13:03