Саха тылын уонна литературатын учууталларын иккис съеһин түмүгүн Ил Дархан Айсен Николаев уонна Ил Түмэн бэрэссэдээтэлин бастакы солбуйааччы Александр Жирков кэпсэттилэр.
Билигин региоҥҥа төрүт тыллары харыстааһыҥҥа дьаһаллар былааннара оҥоһуллар. Онно съезд кыттыылаахтарын этиилэрэ киллэриллиэҕэ.
Киэҥ ыҥырыылаах мунньах 2022 сыл сэтинньитигэр буолбута уонна 500 учууталы муспута.
Педагогтар бэлиэтээбиттэринэн — төрүт тыллары үөртиигэ уонна тарҕатыыга цифровизацияны уонна саҥа технологиялары туттуу, киллэрии буолар. Ордук болҕомто оскуола иннинээҕи саастаах оҕолор тэрилтэлэригэр төрүт тылга оҕону сыһыарыы усулуобуйата тэриллиэхтээх.
This post was published on 17.02.2023 14:01 14:01