20 От ыйа 20.07
  • 19°
  • $ 88,02
  • 96,04

«Павловские вечерки» ырыа ансамбыла Болгарияҕа сөҕүмэр ситиһиилэнэн кэллэ

14:12, 13 сентября 2016
Читайте нас на
Яндекс Новости
ЯДВ

Мэҥэ Хаҥалас улууһун «Павловские вечерки» ырыа ансамбыла күннээх Болгария Приморско куоратыгар тиийэн «WorldsStageEvroGrade» фестивалга сөҕүмэр ситиһиилэнэн, 1 степеннээх лауреат үрдүк аатын ылан кэллэ.


Дьалкыырдаах Хара муора кытыытыгар, Странджа хайа тэллэҕэр турар куорат бу фестивал кэмигэр Болгария, Турция, Словакия, Чехия, Румыния талба талааннаахтарын түһүлгэтигэр кубулуйда.

Биллэрин курдук, Павловскай Саха сиригэр старовердар уутуйан, түөлбэлээн олохсуйбут сирдэрэ. Кинилэр омуктарын култууратын, ырыатын-тойугун, духуобунай сыаннаһын, төрүт дьарыгын сүтэрбэккэ, симэлиппэккэ, кэм-кэрдии дьалхааныгар суурайбакка күн бүгүҥҥэ диэри илдьэ сылдьаллар. Итини буолан ааспыт норуоттар икки ардыларынааҕы фестивал үрдүктүк сыаналаата, биһирээтэ, билиннэ.

Ырыа ансамбылын гармониһа Иван Федотовы дьоҕурун көрөөччүлэр үрдүктүк сыаналаатылар. Ырыа ансамбылын кытта Сунтаар улууһуттан фестивалга кыттыбыт 12 саастаах Диана Николаева «Северные мотивы» уонна «Орто дойду» композициялара болҕомто эргийэр киининэн буолла. Кини «Норуоттар икки ардыларынааҕы куонкурус лауреата» аатынан бэлиэтэннэ. Гармонист Иван Ефимович уонна «Павловские вечерки» ансабыл салайааччыта Мария Сидорова «Болгарияҕа саха фольклорун тарҕатыы иһин» анал дипломунан наҕараадаланна.

Следите за самым важным и интересным в Telegram-канале и WhatsApp-группе ЯСИА