Оҕо дьиэтигэр ыарыһах, күүрбүт оҕону баайбыттарын туһунан сурах тарҕанан улахан араллаан тахсыбыта. РФ президенин салалтатынан үлэлиир оҕо быраабыгар боломуочуйалаах Павел Астахов Дьокуускайга бу тэрилтэҕэ сырытта.
«Оҕону баайыы туһунан үҥсүү кэнниттэн силиэстийэ бара турар. Бүгүҥҥү туругунан бастааҥҥы сурах, быһыы-майгы баһыйар үксэ бигэргэммэтэ. Онон манна оҕону утары буруй оҥоһуллар диир сөбө суох. Коллектив ортотугар утарыта турсууттан сылтаан айдаан-араллаан тахсыбыт», — диэтэ Павел Астахов.
Оҕону туттарар баар быраабылаларга кини киэҥник тохтоото. «Оҕону туттарыы сокуоҥҥа чопчутук уонна чуолкайдык сурулла сылдьар. Мин санаабар быыкаа оҕону туттарыы сөбө суох, ол оннугар кууһуу ордук», — диэтэ Астахов.
«Оҕо аһара күүрбүт буоллаҕына, уоскутар эмтэр бааллар. Баайар буоллахха, онуоха баар тустаах процедура барыта тутуһуллуохтаах, аакта оҥоһуллуохтаах, сурунаалга суруллуохтаах», — диир кини.
