20 От ыйа 20.07
  • 19°
  • $ 88,02
  • 96,04

«Патриоттар» Сунтаар Кутанатыгар күрэхтэһиэхтэрэ

10:00, 10 сентября 2016
Читайте нас на
Яндекс Новости
ЯДВ

Балаҕан ыйын 20 күнүгэр Сунтаар улууһун Кутана с. Арассыыйа байыаннай сулууспатын полковнига Усементай Алексеев чиэһигэр күрэхтэһии буолуоҕа.   Бу тэрээһини «Патриот» уопсастыбаннай тэрилтэ иилээн-саҕалаан ыытар.


Юстиция полковнига, СӨ үтүөлээх юриһа, Арассыыйа юристарын ассоциациятын чилиэнэ Михаил Люй Ден, Арассыыйа байыаннай сулууспатын полковнига Усементай Алексеев, кинилэр биир санаалаахтара, хас да кинигэ ааптара Зинаида Игнатьева уо.д.а. байыаннай дьон түөрт сылтан бэттэх «Патриот» байыаннай-патриотическай күрэхтэһиини тиһигин быспакка ыыталлар. Байыаннай сулууспа уонна ис дьыала бэтэрээннэрин түмэн, оскуола үөрэнээччилэригэр анаан тэрийэр күрэхтэһиилэрин барытын кэрэ-бэлиэ күннэргэ, үтүө түгэннэргэ аныылларынан уратылаахтар.

Аптамааты түргэнник ыһыы-хомуйуу, рожоктаах буулдьалары таһаарыы-киллэрии, гранатаны бэргэнник быраҕыы, бааһырбыт байыаһы сымсатык таһаарыы, аптамаат сүгэһэрдээх сүүрүү, биатлоҥҥа күрэхтэһии – бу барыта уол оҕо уйанын-хатанын быһаарар көрүҥнэр. Улуус нэһилиэктэриттэн кэлбит үөрэнээччилэр «Бэйэҥ историяҕын бил» араас ыйытыылардаах күрэххэ билиилэрин-көрүүлэрин тургуталлар.

Михаил Люй Ден этэринэн, ыччаты байыаннай дьыалаҕа бэлэмнээһин уонна патриотизмҥа иитии үлэтэ судаарыстыбаннай суолталанан, тэрээһиннэр суолталара да, таһымнара да быдан үрдээтэ.

Следите за самым важным и интересным в Telegram-канале и WhatsApp-группе ЯСИА