«Патриот» ыччат киинигэр байыаннай албан аатын күнүгэр — Сталинград кыргыһыытыгар немецкэй-фашистскай сэриилэри урусхаллааһыҥҥа аналлаах бэтэрээннэр ыччаты кытта көрсүһүүлэрэ ыытылынна. ЯСИА иһитиннэрэринэн, «Курсант-боец» уонна «Курсант-гвардеец» бэлиэлэри «ВОИН» киин филиалын курсааннарыгар үөрүүлээхтик туттардылар.
«Байыаннай албан аат күнэ — көннөрү күн буолбатах, Аҕа дойду Улуу сэриитин судургута суох күннэригэр Сталинград кыргыһыытын кэмигэр фашизм сиһин тоһуппут аҕаларбыт хорсун быһыыларын бэлиэтэ. Ол иһин биһиги «Курсант-боец» уонна «Курсант-гвардеец» шевроннары бастыҥ иитиллээччилэрбитигэр чопчу бу күн туттарарга быһаарыммыппыт», — диэтэ Саха сиригэр «ВОИН» киин филиалын дириэктэрэ Василий Егоров.
«БАРС-2» штурмовой батальон хамандыыра, хорсун быһыы уордьанын кавалера Василий Егоров бэлиэтээбитинэн, быйыл «ВОИН» Саха сиринээҕи салаатын курсааннара «Буойун Суола» бастакы байыаннай-тактическай күрэхтэһиилэргэ кыайбыттарын, ити саха филиалын үчүгэй базатын туһунан этэрин бэлиэтээтэ.
Сиһилии манна аах.
