23 От ыйа 23.07
  • 21°
  • $ 87,78
  • 95,76

Партизаҥҥа саҥа арыы сыаҕа аһылынна

11:50, 27 июля 2018
Текст:
Читайте нас на
Яндекс Новости
ЯДВ

«Эрэл» ТХПК бүгүн Нам улууһун Партизан нэһилиэгэр саҥа арыы сыаҕын арыйда.


Арыы сыаҕын тутуута былырыын саҕаламмыта. Билигин манна арыыны уонна сүөгэйи оҥорон таһаараллар. Бу сыахха Партизан, Үөдэй уонна I Хомустаах олохтоохторо үүт туттараллар. Сыах маастара Ньургуйаана Местникова иһитиннэрбитинэн, саҥа сыах сылга 800 тонна үүтү оҥорон таһаарыахтаах. «Билигин үс нэһилиэк күҥҥэ сэттэлии тонна үүтү туттарар» — диэн бэлиэтиир кини.
Сыах үөрүүлээх аһыллыытыгар Ил Дархан э.т. Айсен Николаев сырытта. Кини Партизан олохтоохторун саҥа сыахтаммыттарынан эҕэрдэлээн туран, кэнэҕэскитин бу маннык сыахтар элбии туралларыгар баҕарда.
«Партизан олохтоохторун арыы сыаҕа аһыллыбытанан итиитик-истиҥник эҕэрдэлиибин. «Эрэл» ТХПК 2003 сылтан үлэлиир. Өрөспүүбүлүкэҕэ ити сылларга үгүс ТХПК тэриллибит буоллаҕына, билигин туруктаах хаһаайыстыба тарбахха баттанар. «Эрэллэр» бу сыллар тухары араас уустугу, ыараханы көрсөн, билигн сайдыы суолугар үктэннилэр. Саҥа былааны, соругу туруорунан, иннилэрин диэки дохсуннук хардыылаан иһэллэр. Бу курдук кооперативтар сайда турдуннар. Тыа хаһаайыстыбата сайда, сүөһү-ас дэлэйэ, дьон-сэргэ тыа сиригэр олохсуйа кэлэ турдун» — диэн этэр Айсен Николаев.

Аграфена КУЗЬМИНА, «Саха сирэ» хаһыат.

Следите за самым важным и интересным в Telegram-канале и WhatsApp-группе ЯСИА