Чугаһынан кэмҥэ Саха сиригэр күн-дьыл туругуттан сылтаан — күүстээх тыалтан уонна салгын температурата түһүүтүттэн паромнар сырыылара уустугурара күүтүллэр. Бу туһунан СӨ Тырааныспарга министиэристибэтэ иһитиннэрэр, Саха сирэ суруйар.
Биэдэмистибэ дааннайдарынан, Бүлүү өрүһү туоратар паром күн-дьыл туругуттан көрөн үлэлиэҕэ. Билигин манна паромнар уустук усулуобуйаҕа айанныы сылдьаллар, сотору кэминэн кыдьымах үөскүүрэ сабаҕаланар.
Өлүөнэ өрүһүнэн сырыылар — Дьокуускай-Аллараа Бэстэээх, Хачыкаат-Мохсоҕоллоох, Канагасс-Суотту хайысханан сылдьар паромнар үлэлэрэ алтынньы 18-22 күннэригэр түмүктэнэллэрэ былааннаннар. Алдан өрүскэ Мэҥэ Алдан-Кэскил хайысханан сырыы бу күннэргэ тохтуоҕа.
This post was published on 16.10.2024 14:30 14:30