24 От ыйа 24.07
  • 28°
  • $ 87,3
  • 95,46

Парламент фракцияларын салайааччылара Евгений Чекин кандидатуратын өйөөтүлэр

10:09, 18 октября 2016
Текст:
Читайте нас на
Яндекс Новости
ЯДВ

Саха сирин баһылыга Егор Борисов парламент судаарыстыбаннай тутууга уонна сокуону оҥорууга сис кэмитиэтигэр бырабыыталыстыба бэрэссэдээтэлин – экономика миниистирин солбуйааччы дуоһунастарыгар үлэлиэн сөптөөх Евгений Чекини билиһиннэрдэ.


«Биир ньыгыл Арассыыйа» фракцията киирбит кандидааты ырытыаҕа уонна бүтэһиктээх быһаарыыны алтынньы 24 күнүгэр ылыаҕа», — диэтэ кэмитиэт бэрэссэдээтэлэ, парламеҥҥа «Биир ньыгыл Арассыыйа» фракциятын салайааччыта Алексей Еремеев.

Кини эппитинэн, Ил Дархан тоҕо кинини бу дуоһунаска талбытын эппит. Евгений Чекин бизнескэ да, судаарыстыбаннай былаас да уорганыгар үлэлээбит уопуттаах.

«Инвестицияны, чааһынай хапытаалы, суудаарыстыба уонна чааһынай хардарыта үлэлээһиннэрин тардан экономиканы салайыыга саҥа сыһыаннар наадалар», — диир кини.

«Эдэр, кэскиллээх Евгений Чекин улахан таһымҥа чунуобунньуктары кытта кэпсэтэр кыахтаах. Үлэтигэр өрөспүүбүлүкэ интэриэһин өрө тутуоҕа диэн бүк эрэллээхпин. РЛДП — саҥа кандидаты өйүүр», — диэтэ кэмитиэт чилиэнэ, Саха сирин либералларын баһылыга Гаврил Парахин.

«Сиэрдээх Арассыыйа» фракциятын салайааччы Юрий Григорьев Евгений Чекин — сөптөөх кандидат буоларын ыйда: «Кини баартыйата суоҕун, экономика эйгэтигэр үлэлиир уопуттааҕын бэлиэтиэх этим. Биһиги кинини өйүөхпүт», — диэтэ.

Следите за самым важным и интересным в Telegram-канале и WhatsApp-группе ЯСИА