Анастасия Диодорова, Степанида Артахинова, Алена Дмитриева Токиотааҕы Паралимпиадаҕа бүтэһик бэлэмнэрин бара сылдьаллар. Сотору кэминэн кинилэр Токиоҕа көтүөхтэрэ. Оонньуулар атырдьах ыйын 24 күнүттэн балаҕан ыйын 5 күнүгэр диэри барыахтара.
Саха сирин сүүмэрдэммит хамаандаларын бэлэмниир киин дириэктэрэ Михаил Пахомов СИАҕа иһитиннэрбитинэн, оҕунан ытааччы Степанида Артахинова атырдьах ыйын 10 күнүгэр диэри Улан-Удэҕэ Арассыыйа сүүмэрдэммит бөлөҕүн кытары дьарыктанарын эттэ. «Онтон салгыы Владивостокка барыа итиэннэ атырдьах ыйын 20 күнүгэр Токиоҕа көтүө», — диэтэ кини.
Волейболистка Алена Дмитриева эмиэ дойду сүүмэрдэммит хамаандатын састаабыгар Тула Алексин куоратыгар дьарыктана сылдьар. Кини эмиэ атырдьах ыйын 20 күнүгэр Токиоҕа көтүө. Анастасия Диодорова билигин Южно-Сахалинскайга дьарыктанар. Кини атырдьах ыйын 19 күнүгэр көтүө.
Михаил Пахомов кыргыттар ситиһиилээхтик кытталларыгар эрэнэрин эттэ.
This post was published on 09.08.2021 13:04 13:04