19 Тохсунньу 19.01
  • -48°
  • $ 73,82
  • 83,32

Паралимпиадаҕа кыттар эрэл баар: Сахалар дьарыктара тохтообот

16:18, 09 августа 2016
Текст:

Паралимпийскай оонньууларга кыттыахтаах Саха сирин спортсменнара төһө да күрэхтэһиилэртэн туоратыллыбыттарын иһин, дьарыктарын тохтоппоттор. Ити туһунан спорт миниистирин солбуйааччы Марина Захарова эттэ.


Харбааһыҥҥа Анастасия Диодорова, ыарахан атлетикаҕа Владимир Балынец, волейболга Алена Дмитриева уонна ох саанан ытыыга Степанида Артахинова Рио-де-Жанейро Паралимпиадатыгар кыттыахтаах этилэр.

«Кинилэр былаан быһыытынан дьарыктаналар. Билигин быһыы-майгы ситэри быһаарылла илик. Бары санаалара бигэ, дьарыгы ким да көтүрбэтэҕэ. Атырдьах ыйын ортотуттан ыла өссө күүстээх эрчиллии саҕаланыахтаах», — диир Марина Захарова.

Россия сүүмэрдэммит хамаандатын Олимпиадаҕа кыттыбаттарын ситиһэ сатааһын кыаллыбатаҕыттан, аны паралимпиецтары туоратыы саҕаламмытын кини ыйар.

«Сотору кэминэн барыта быһаарыллыаҕа, сиэрдээх уонна сөптөөх быһаарыы ылыллыаҕар бүк эрэллээхпит», — диир миниистири солбуйааччы.

Саха спортсменнарын баһыйар үгүстэрэ Москваҕа эрчиллэ сылдьаллар. Спорт арбитражнай суута кинилэр интэриэстэрин көмүскүөҕэр эрэнэллэр.

«Риоҕа 50 м.уһуну баттерфляйынан, 100 м. уһуну көхсүбэр харбыыр уонна баҕар 200 м. — комплекс былааннаах этим», —диэтэ Анастасия Диодорова.

0
0
19 января 19.01
  • -48°
  • $ 73,82
  • 83,32