От үлэтин сүрүн атахтааччынан ардах буолар. Кэнники сылларга ойуурга баһаары бохсор сыалтан оҥоһуу ардаҕы ыҥырааһын дьаһала күүскэ үлэлиир, манна эбии айылҕабыт бэйэтин сокуоннара кыттыһаллар. Сир-дойду ууга барда диэччилэр элбээн иһэллэр.
Ардахха хаачыстыбата мөлтөөбүт от сүөһүгэ сэрэхтээх. Кыстыгы кыайан туораабакка, көнньүнэн өлөөччү да баар хаһаайыстыбаларга.
Саха сирин экономикатын биир тыын суолталаах хайысхатын чөл тутарга салалта үлэлиир. Региоҥҥа «Кормозаготовка» программа баар, быйыл сири кытта үлэҕэ диэн 100 мөл солк көрдүлэр.
ЯНИИСХ Хаҥалас улууһугар баар 30а диэн стационарыгар сүөһү аһын бэлэмниир лабораториятын отделыгар бырабыыталыстыба бэрэссэдээтэлэ Андрей Тарасенко уонна т/х миниистирин бастакы солбуйааччыта Петр Попов сырыттылар.
Наука оту олордубута ыраатта.
Лаборатория куратора Зульфия Филиппова «Сүөһү аһын бэлэмнээһиҥҥэ өссө күүскэ ылсан үлэлииргэ диэтилэр», — диэн эттэ. Ол аата саҥа бырагыраамалары, дьаһаллары күүтэбит.
СИА
This post was published on 27.07.2023 16:30 16:30