Балаҕан ыйын 8 күнүнээҕи көрдөрүүнэн, Саха сиригэр ититэр сезон өрөспүүбүлүкэ 25 оройуонугар саҕаланна. Бу туһунан регион олорор дьиэ-уот коммунальнай хаһаайыстыбаҕа уонна энергетикаҕа министиэристибэтэ иһитиннэрэр.
Атырдьах ыйыгар Арктика 13 оройуонугар барытыгар итии бэриллибитэ. Балаҕан ыйын 2 күнүгэр Горнай оройуонугар, балаҕан ыйын 6 күнүгэр Сунтаар, Чурапчы, Ньурба, Таатта, Томпо, Алдан оройуоннарыгар, балаҕан ыйын 7 күнүгэр Бүлүү, Хаҥалас, Амма, Уус-Алдан оройуоннарыгар, балаҕан ыйын 8 күнүгэр Кэбээйигэ ититиини киллэрэн бараллар.
Итиини биэрии, кыраапыкка олоҕуран, Дьокуускайга саҕаланыахтаах.
Итиини биэрэр туһунан быһаарыыны муниципальнай тэриллиилэр баһылыктара, орто температура таһырдьа +8 кыраадыс биэс сууккаҕа турдаҕына, ылаллар.
