Атырдьах ыйын 25 күнүгэр «СӨ ОДЬКХ» ГУТ Орто Халыма филиалын үлэһиттэрэ хочуолунайдары үлэҕэ киллэрдилэр. Оройуон социальнай эбийиэктэригэр, олорор дьиэлэригэр итии бэрилиннэ. Бу туһунан тэрилтэ пресс-сулууспата иһитиннэрэр.
Оттук сезона саҕаланыытыгар итиини биэрэр тэриллэр толору бэлэмнэнэн, билигин штатнай эрэһииминэн үлэлииллэр.
Өрөмүөн бырагырааматын чэрчитинэн филиал хочуолунай тэриллэрин уларытта, ону тэҥэ уопсайа 1,5 км уһуннаах инженернэй ситимнэри өрөмүөннээһини толордо.
Санатан эттэххэ, Орто Халыма оройуонун таһынан ититэр сезон Аллайыаха, Анаабыр, Аллараа Халыма, Булуҥ уонна Өлөөн оройуоннарыгар саҕаланна.
