14 От ыйа 14.07
  • 26°
  • $ 87,74
  • 95,76

Оттук кэмин көрсө: Куорат хочуолунайдара төһө бэлэмнэрий?

09:48, 21 августа 2018
Текст:
Читайте нас на
Яндекс Новости
ЯДВ

Дьокуускай куорат дьаһалтата ОДьКХ эбийиэктэрэ кыстыгы көрсө туох үлэни ыыталларын кыраҕытык хонтуруоллуур. Ураты болҕомтотун хочуолунайдары саҥардыыга итиэннэ элбэх кыбартыыралаах дьиэлэри өрөмүөннээһиҥҥэ уурар.

Куоракка 81 хочуолунай баар, сылааһынан хааччыйыыга «Якутскэнерго», «Теплоэнергия»АУо-лар, «Куорат таһынааҕы сылытар тэрилтэ” (пригородная теплосетевая организация) МУТ,16 биэдэмистибэ хочуолунайдара үлэлииллэр.

«Абырал» санаторий хочуолунайыгар инбэлиит оҕолору чэбдигирдэр киин уонна элбэх олорор дьиэлэр холбононнор, икки хочуол эбии туруоруллар. Үлэ кыраапык быһыытынан баран иһэр, балаҕан ыйын 1 күнүгэр бүтүөхтээх. Сайсары уокуругар, маны таһынан, 93-с уонна 94-с кыбаарталлары сылытар «Лермонтов 200» хочуолунай кыамтата улаатыннарыллар. Сэтинньи 20 күнүгэр хочуолунай бастакы уочарата (120 МВт кыамталаах үс хочуол) холбонуоҕа, оттон иккис уочарата саҥа оскуола уонна элбэх кыбартыыралаах икки дьиэ тутууларын хаамыытынан үлэҕэ киллэриллиэҕэ.

Тулагы Киллэм нэһилиэгэр Радиокииҥҥэ гааһынан үлэлиир хочуолунай үлэтэ бүтэн эрэр: биэс хочуол туруоруллубут, коллектордар тардыллыбыттар, гаас киллэриллибит.«Газэлектромонтаж» ХЭУо генеральнай дириэктэрэ Александр Волчков этэринэн, оттук кэмин көрсө барыта бэлэм буолуоҕа.

Куорат баһылыгын бастакы солбуйааччы э.т. Виталий Чикачев эбийиэктэри кэрийэн көрөн-истэн баран, хочуолунайдарга хапытаалынай өрөмүөн 75 % — а оҥоһуллубутун бэлиэтээтэ.«Лермонтов 200» уонна «Промкомплекс» хочуолунайдара алтынньы-сэтинньи ыйдарга үлэҕэ киирииһилэр, онуоха диэри урукку оһохторунан үлэлиэхтэрэ диэтэ. Тулагы хочуолунайыгар бүддьүөттэн 30 мөл. солк. көрүллүбүтүн, бу хочуолунайга муниципалитет чааһынай инвесторы кытары бииргэ үлэлээһинин бырагырааматынан тутуллар саҥа уһуйаан дьиэтэ холбонорун эттэ. Бу туһунан биһиэхэ куорат дьаһалтатын нэһилиэнньэни кытары үлэҕэ салаата иһитиннэрдэ.

Раиса Сибирякова, edersaas.ru

Следите за самым важным и интересным в Telegram-канале и WhatsApp-группе ЯСИА