Күһүҥҥү ойуур баһаардарыгар кэбиһиллибит отторун былдьаппыт хаһаайыстыбаларга тоҕус мөлүйүөн кэриҥэ харчы көрүллүбүт. Бу туһунан тыа хаһаайыстыбатын миниистирин солбуйааччы Николай Афанасьев Ил Түмэҥҥэ бырабыыталыстыба чааһын кэмигэр иһитиннэрдэ.
Былырыын окко былаан 99 % туолбут — 464 тыһ туонна от, 13 тыһ туонна сенаж, 25 тыһ туонна сиилэс бэлэмнэммит. Мобильнай биригээдэлэр 20 тыһ туонна кэриҥэ оту бэлэмнээбиттэр.
«Күһүҥҥү ойуур баһаардарын түмүгэр икки тыһ туонна от умайбыта быһаарыллыбыта. Өрөспүүбүлүкэ салалтатын сорудаҕынан эмсэҕэлээбит хаһаайыстыбаларга тоҕус мөлүйүөн кэриҥэ харчы хоромньуну сабарга көрүллүбүтэ. Ити харчы тустаахтарга саҥа дьыл иннигэр тиэрдиллибитэ», — диэтэ Николай Афанасьев.
Билигин кыстыгы туоруур от саппааһа баар.
This post was published on 11.02.2021 17:01 17:01