Оттооһуҥҥа кыайбыт улуустары тыраахтардарынан бириэмийэлээтилэр

Быйылгы оттооһуҥҥа кыайбыт 9 улуустар тыраахтар ыларга сертификаттары туттулар.

Тыа хаһаайыстыбатын уонна ас-үөл бэлиитикэтин министиэристибэтэ оттооһуҥҥа кыайбыттары быһаарда.

Түмүгү үс түөлбэҕэ: Киин, Бүлүү бөлөх уонна Хоту улуустарга арааран таһардылар. Бириис фондата 8,5 мөл.солк.

Кыайыылаахтарга тыраахтары ыларга быраабы биэрэр сертификаттары туттардылар. Бастакы миэстэни ылбыттар от охсордоох, мунньардаах МТЗ-82, иккис миэстэҕэ тиксибиттэр бырысыаптаах Синтай дьоҕус, үһүстэр Синтай дьоҕус тыраахтардары бириис быһыытынан ылан үөрүүлэрэ үрдээтэ.

Кыайыылаахтар:

I-кы түөлбэҕэ:

Бастакы миэстэ – «Чурапчы улууһа» МТ

Иккис миэстэ – «Таатта улууһа» МТ

Үһүс миэстэ – «Уус Алдан улууһа» МТ

II-с түөлбэҕэ:

Бастакы миэстэ – «Кэбээйи улууһа»

Иккис миэстэ – «Үөһээ Бүлүү улууһа» МТ

Үһүс миэстэ – «Бүлүү улууһа»

III-с түөлбэҕэ:

Бастакы миэстэ – «Орто Халыма улууһа» МТ

Иккис миэстэ – «Томпо улууһа» МТ

Үһүс миэстэ – «Абый улууһа» МТ.