От ыйын 22 күнэ. Эсватинига уопсастыба күнэ – Бикипиэдьийэ

Уруккута Свазиленд 2018 сыллаахтан Эсватини  Соҕуруу Африка уонна Мозамбик икки ардыгар сытар король баһылыктаах кыра судаарыстыбаҕа от ыйын 22 күнүгэр уопсастыба күнүн бэлиэтииллэр. Бу күн Эсватини олохтоохторугар өрөбүл күн. Бырааһынньык XX үйэ хоруола Собуза II төрөөбүт күнүгэр сөп түбэһиннэрэн олохтоммут. Бу туһунан Бикипиэдьийэ кэпсиир.

От ыйын 22 диэн Грегориан халандаарыгар сыл 203-с күнэ (ордук хонуктаах сылга 204-c күнэ). Сыл бүтүө 162 күн баар.

Бэлиэ күннэр:

Эсватинига (Свазилеҥҥа) уопсастыба күнэ.

Түбэлтэлэр:

• 1099— Крестоносецтар Иерусалим куоратын сэриилээн ылан баран манна бэйэлэрин королевстволарын тэрийбиттэр.
• 1913— Саха уобалаһын күбүрүнээтэринэн олорбут Иван Крафт Дьокуускайтан Красноярскайга көһөн барбыт.
• 1934— Охуоскайга кииннээх Лаамы-Эбээн национальнай уокуруга суох буолбут, оройуоннара Алын Амыр уобалаһыгар (кэлин Хабаровскай кыраай) киирбиттэр.
• 1944— Международнай валютнай фонд тэриллибит.
• 1954— ССКП Киин кэмитиэтэ (ЦК КПСС) «Дьон быыһыгар чөл олох пропагандатын күүһүрдэр миэрэлэр» тустарынан уураах ылыммыт. Мантан ыла Сэбиэскэй Сойуус үрдүнэн арыгыһыттары сэмэлиир, чөл олоҕу, физкультураны көҕүлүүр хампаанньа саҕаламмыт.
• 1977— Кытайга Мао Цзэдун өлбүтүн кэннэ былаас былдьаһыытын кэмигэр Дэн Сяопин былааска төннүбүт. Кини салайыытынан Кытай экэниэмикэтэ балысхан сайдыы суолугар турбута.
• 1989— Таджик тыла Таджикистан судаарыстыбаннай тыла буолбут.

Төрөөбүттэр:

• 1822— Грегор Иоганн Мендель — Австрия биолога уонна ботанига, наследственность туһунан үөрэх сайдыытыгар сүҥкэн оруолу оонньообут учуонай.
• 1887— Густав Герц — ниэмэс физига, Нобель премиятын физикаҕа 1925 сыллааҕы лауреата.
• 1895— Павел Сухой — сэбиэскэй авиаконструктор, ССРС-ка реактивнай авиацияны төрүттээччилэртэн биирдэстэрэ.
• 1928— Кирилл Горохов (26.11.1964 өлб.) — Саха Сирин революция иннинээҕи историятын, аҕыйах ахсааннаах хотугу омуктар историяларын чинчийбит учуонай, история билимин кандидата.
• 1946— Мирей Матье — француз ырыаһыта.
• 1948— Зинаида Курчатова — саха живописеһа.
• 1951— Олег Газманов — Арассыыйа эстрадатын ырыаһыта .
• 1983— Кирилл Толмацкай (Децл) — Арассыыйа рэп-толорооччута.
• 1990— Нерюнгри куоракка Евгения Колодко — ядроны быраҕар спортсменка.

Өлбүттэр:

• 1826— Джузеппе Пьяцци — Церера астероидын арыйбыт Италия астронома.
• 1864— Михаил Достоевскай — нуучча суруйааччыта.
• 1958— Михаил Зощенко — сэбиэскэй суруйааччы.