♈️Хой
Сулустар эн тускар үтүөнү
эрэ түстүүллэр. Улахан дьыалҕа ылсыаххын сөп. Үөрэҕи чэпчэкитик ылыныаҥ. Кэпсэтиигэ мөккүөр тахсыаҕа, ол эрээри ол туһалаах буолуоҕа. Долгутар боппуруостаргар эппиэти булуоҕуҥ.
♉️Оҕус
Үксэ бэйэҥ сүргэҕиттэн тутулуктаах. Болҕомтоҕун үчүгэй эрэ өттүгэр уур. Бэһиэлэй дьону кытта алтыһан сүргэҕин көтөх. Күүһүм-сэниэм суох диэн ыһыктынан кэбистэххинэ, элбэҕи куоттарыаҥ.
♊️Игирэлэр
Бириэмэни сөпкө аттаран туһаныаҕыҥ. Олус уустук да дьыаланы быһаарар күүстээххин. Хайдах да дьону кытта уопсай тылы булуоҥ. Саҥа доҕоттору, тапталы да көрсүөххүн сөп.
♋️Рак
Ордук хос долгуйууну олоҕу судургутук көрүүҥ эрэ үтэйиэҕэ. Кэтэх санааланыма, була сатыы-сатыы төбөҕүн сынньыма. Үп-харчы өттүгэр өйүҥ-санааҥ үчүгэйдик үлэлиэҕэ. Атыылаһыы, барыстаах дьыала табыллыан сөп.
♌️Хахай
Улахан ситиһиигэ эрэнэр табыллыбат. Сүрэҕэлдьиир күн буолуоҕа, ол эрээри куһаҕана суох күн ааһыаҕа. Интэриэскин кэҥэтэр, саҥа дьарыгы, үлүһүйүүнү булунар кыахтааххын.
♍️Кыыс
Сарсыарда элбэҕи кыайар кыахтааххын. Ол эрээри күүскүт-уоххут намыраан иһиэҕэ. Ол иһин күн бастакы аҥаарыгар түһүнэн кэбиһиҥ. Кэпсэтиини ыытыы табыллыаҕа, сытыы тиэмэни тарыйыахха сөп. Өйдөспөт буолуу куттала кыра.
♎️Ыйааһын
Тулуур ирдэниэҕэ. Быстах кыра быһылааннарга холку буол, оччоҕуна күнүҥ үчүгэйдик ааһыаҕа. Киэһэ урукку билсиилээхтэриҥ интэриэһинэй этиини киллэриэхтэрин сөп.
♏️Скорпион
Ыарахаттары да көрүстэххитинэ толкуйдаабыт дьыалаҕыттан туоруоҥ суоҕа. Өһөс майгыҥ ситиһиигэ эрэ аҕалыаҕа. Ордук санааччыларыҥ тугу эрэ оҥоруохтарын сөп, ол иһин үчүгэй сонуҥҥун кэпсээбэт ордук.
♐️Охчут
Үчүгэй толкуйдар үөскүөхтэрэ. Туһалаах сүбэлэри санаан кэлиэҥ. Толкуйдуу түһэргэ бэйэҕэр бириэмэтэ биэр. Үп-харчы кыһалҕатын быһаарыаххын сөп.
♑️Козерог
Болҕомтото суох буолууҥ куһаҕаннык дьайыан сөп. Наадалаах дьыаланы быһаараргар мээнэ кэпсэтиилэргэ, күннээҕи түбүктэргэр аралдьыйа сатаама. Күн иккис аҥаарыгар чугастааҕы күннэргин былаанныырын табыллыаҕа.
♒️Күрүлгэн
Чуумпутук бардаххына – салгыы айанныаҕыҥ. Мээнэ аймамматаххына, элбэх туһалааҕы оҥоруоҥ. Киэһэ дьиэ кэргэҥҥин кытта алтыһыыҥ табыгастаах буолуоҕа.
♓️Балыктар
Быһыы-майгы быһаарыллан туох-ханныга биллиэҕэ. Урукку былааннаабыккар төннөргөр табыгастаах күн. Билсиһии чэпчэкитик тахсыаҕа, инники олоххор туһаны аҕалар киһини көрсүөххүн сөп.
✅ @uamurusahargata
This post was published on 15.07.2024 09:01 09:01