7 Алтынньы 07.10
  • -4°
  • $ 60,25
  • 58,24

От ыйын 1 күнүттэн социальнай хантараак биир кэмнээх төлөбүрэ үрдүөҕэ

Арассыыйа бэрэсэдьиэнин сорудаҕынан от ыйын 1 күнүттэн социальнай хантараак биир кэмнээх төлөбүрдэрин 100 тыһыынча солкуобайынан улаатыннардылар. Бу үбү бэйэ дьыалатын сайыннарыыга уонна тус  хаһаайыстыбаны салайыыга ылыахха сөп.

«Социальнай хантараак түһэрсибит дьон 350 тыһыынчаҕа диэри сууманы бизнеһи арыйыыга эбэтэр 200 тыһыынчаҕа диэри тус хаһаайыстыбаны сайыннарыыга көмө быһыытынан ылыахтарын сөп. Бу уларыйыы социальнай хантараак көмөтүн быдан туһалаах оҥоруо дии саныыбын»,-диэн бэйэтин телеграмм-каналыгар Саха сирин бырабыыталыстыбатын салалтатын кытта сүбэ мунньах түмүгүнэн Айсен Николаев иһитиннэрдэ.

«Социальнай хантараак» бырагыраама Саха сиригэр 10- тан тахса сыл үлэлиир. Бу тус дьону уонна дьиэ кэргэттэри кытта социальнай көмүскэл уорганнара контракт түһэрсэллэр, маныаха хантараак түһэрсэр дьон дохуоттара кинилэртэн тутулуга суох биричиинэнэн тиийинэн олоруу алын кээмэйиттэн кыра буолуохтаах.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар