Дьокуускайга остуол тенниһигэр Уһук Илин чемпионата «Кыайыы 50 сыла» спорт дыбарыаһыгар саҕаланна. Күрэхтэһии тохсунньу 26 күнүгэр диэри ыытыллыаҕа. Бу туһунан «Спорт Якутии» иһитиннэрэр.
Бастакытын Уһук Илин турнирыгар Бурятия уонна Забайкальскай кыраай спортсменнара кыттыыны ылыахтара. Амурскай уобаластан ураты Уһук Илин бары регионнара чемпионакка кытталларын туһунан бигэргэттилэр.
Саха сирин хамаандатыгар Россия спортка маастардара Василий Румянцев уонна Ньургун Сабарайкин кыттыахтара. Ол курдук эр дьон хаамандатыгар Михаил Кылабысов, Богдан Капитонов уонна Михаил Эртюков оонньуохтара. Дьахталлар хамаандаларыгар Ольга Тихонова, Арина Федорова, Айыына Петрова, Александра Ефимова уонна Анита Ноговицына киирдилэр.
This post was published on 23.01.2020 11:28 11:28