Саха сиригэр оҕо-юношескай спордун сайыннарыы барар. Бу сыл бүтүөр диэри бары оскуолаларга спортивнай кулууптар арыллыахтара. Ол туһунан докумуону үөрэх уонна спорт министиэристибэлэрэ түһэристилэр.
Спорт миниистирэ Леонид Спиридонов бэлиэтээбитинэн, оҕо спорда инники күөҥҥэ тутуллар хайысха. Анал бырагыраама 2030 сылга диэри баар. Икки түһүмэҕинэн ыытыллар: I – 2022–2024 сыллар, II – 2025–2030 сыллар.
Быһаарбыттарынан, өрөспүүбүлүкэҕэ биир кэлим физкультурнай-спортивнай үөрэх эйгэтэ оҕо кыаҕын арыйыыга үлэлиир.
Үөрэх миниистирэ Ирина Любимова эппитинэн, бырагыраама оҥоруутугар биир сүрүн болҕомто оскуолаларга физкультура массабай көрүҥүн тэрийии буолар.
Сиһилии: https://ysia.ru/sportivnye-kluby-sozdadut-vo-vseh-shkolah-yakutii-do-kontsa-goda/
