2026 сыл балаҕан ыйыттан Арассыыйа оскуолаларыгар булгуччулаах «Обучение служением. Первые» кууруһу 10-11-с кылаас үөрэнээччилэригэр киллэрэргэ былаанныыллар. Ол туһунан РФ үөрэҕириитин миниистирэ Сергей Кравцов иһитиннэрдэ, диэн РБК суруйар.
Курс теоретическай билиини уопсастыбаҕа туһалаах үлэни кытта холбоон, онно олоҕуран, оҕолор гражданскай эппиэтинэстэрин сайыннарар кыаҕы биэриэ диэн бэлиэтэннэ.
Үөрэнээччилэр коммерческайа суох тэрилтэлэртэн (НКО) уонна судаарыстыбаннай структуралартан дьиҥнээх социальнай соруктары быһаарыахтара. Бырагыраамаҕа көхтөөхтүк кыттыбыттарын иһин оскуола оҕолоро БКЭ түмүктэригэр эбии бааллары ылар кыахтаныахтара.
Маны таһынан, саҥа үөрэх сылыттан «Духовно-нравственная культура России» диэн предмет киириэҕэ. 2026/27 үөрэх дьылыгар 5-с кылаас үөрэнээччилэрэ, онтон 2027/28 сылтан 6 — 7 кылаас үөрэнээччилэрэ үөрэтиэхтэрэ.
This post was published on 17.02.2026 16:06 16:06