Регионнааҕы былаас органнарын өйөбүлүнэн полярниктар Ассоциацияларын «Полюса Земли» аан дойдутааҕы гуманитарнай-сырдатар киинэ тэрийэр «Арктика уонна мин» оскуола оҕолоругар федеральнайдааҕы куонкуруска сайаапкалары ылыы саҕаланна.
2025 сыллаах куонкурус тиэмэтэ – “Арктикаҕа Кыайыы 80 сыла». Улуу Кыайыы үбүлүөйүгэр ананар уонна Арктика туһунан оскуола оҕолоругар кэпсиир, ону тэҥэ Арктикаҕа Аҕа Дойду Улуу сэриитин хорсун быһыыларын, событиеларын өйдөбүлүн харыстыырга туһуланар.
Куонкурус улахан соруктары туруорар: үүнэр көлүөнэ Арктикаҕа болҕомтотун уонна дойдуга суолтатын айар уонна чинчийэр үлэҕэ кыттыһан тардыы, Хотугу эргимтэ геройдарын историческай өйүн-санаатын харыстааһын, оскуола оҕолорун патриотическай иитиигэ көмөлөһүү. Ону тэҥэ Арктика регионнарын культурнай уонна байыаннай-историческай нэһилиэстибэлэрин туһунан билиини кэҥэтии.
Куонкурус үс номинацияҕа ыытыллар: 1-4 кылаастар — «Арктикаҕа Кыайыы Геройдара» темаҕа уруһуйдар; 5-9 кылаастар — «Арктикаҕа Кыайыы 80 сыла» эссе; 10-11 кылаастар — «Арктикаҕа Кыайыы Туһунан Өйдөбүл» видеоролик.
Санкт-Петербург, Мурманскай уонна Архангельскай уобаластар, Коми Өрөспүүбүлүкэтин, Саха сирин, Карелия, Красноярскай кыраай, Ямал-Ненецкэй уонна Ненецкэй автономнай уокуруктар оскуола оҕолоро кыттыыны ылаллар. Куонкурус икки түһүмэххэ ыытыллар: регионнааҕы уонна федеральнайдааҕы таһымҥа.
Куонкуруска үлэни ылыы сэтинньи 21 күнүгэр диэри салҕаныаҕа. Сайаапкалары электроннай почтаҕа ыытыахха сөп: konkurs@aspolrf.ru.
Түмүк Санкт-Петербурга А. Н.Чилингаров аатынан “Арктика: билиҥҥитэ уонна кэскилэ” диэн XV норуоттар икки ардыларынааҕы пуорум чэрчитинэн ахсынньы 9-10 күннэригэр ыытыллыаҕа. Кыайыылаахтар өйдөбүнньүк бириистэри ылыахтара, оттон кыттааччылар уонна учууталлар грамоталарынан уонна махтал суруктарынан бэлиэтэниэхтэрэ.
Куонкурус балаһыанньата – сигэнэн киирэн көр.
This post was published on 07.10.2025 16:01 16:01