Кулун тутар 30 күнүгэр медиаоскуолаларга «Кинотон» кылгас киинэлэри устууга куонкурус түмүгэ буолла. Бастыҥ үлэлэри наҕараадалаатылар.
Бу ураты аһаҕас куонкурус Саха сирин эдэр 14 — 18 саастаах саҕалааччы кинематографистарыгар 72 чаас иһигэр киинэ усталларыгар усулуобуйа олохтуур. Хамаандалар киинэ устуутун кулун тутар 26 күнүгэр 16:00 чааска саҕалыыллар. Тэрийээччилэр хайаан да киинэҕэ баар буолуохтаах элеменнэри ыйаллар: хара таҥастаах уол, чаһы уонна «И так сойдёт» фраза туттуллуута.
72 чаас устата кыттааччылар 5 мүнүүтэлээх хартыына усталлар: сценарий суруйуута, устуу, таҥыы уонна «Лучший фильм», «Лучшая мужская роль», «Лучшая женская роль», «Лучший оператор» уонна «Лучший монтажер» номинацияҕа үлэлэрин көрдөрөллөр.
Киинэлэри «Россия – моя история» история пааркатыгар көрдөрдүлэр.
Түмүккэ: «Лучшая мужская роль» – Алексей Кулинскай, фильм «Презумция вины», хамаанда Magic Cinema; «Лучшая женская роль» – Алина Аргунова, «Күннэй» киинэ, хамаанда «Мед»; «Лучший оператор» – «Извини меня» киинэ, хамаанда youngd1rector, оператор Кирилл Григорьев; «Лучший монтажер» – «Чем вы занимались вчера?» киинэ, хамаанда «Союз дирижеров», таҥааччы Тимур Семенов; «Лучший фильм» уонна 20 000 солк харчынан бириис – «Извини меня» киинэ, хамаанда youngd1rector, ааптар Кирилл Григорьев.
Куонкуруска барыта 19 хамаанда кытынна.
