Саха сиригэр 42 орто үөрэх кыһатыгар 6712 миэстэ өрөспүүбүлүкэ бюджетытан көрүлүннэ. 11 кылаас кэнниттэн – 2987, 9 кылаас кэнниттэн – 3655, кэтэхтэн – 70 миэстэ.
Үөрэххэ тутар хампаанньа бэс ыйын 20 күнүттэн саҕаламмыта. Абитуриеннар орто профессиональнай үөрэх ханнык баҕарар идэтигэр туттарсыахтарын, төһө баҕарар сайабылыанньаны биэриэхтэрин сөп.
Электроннай киэбинэн сайкабылыанньаны «Госуслуги» порталынан атырдьах ыйын 15 күнүгэр диэри ыытыллар. Айар дьоҕуру, физическай уонна психологическай тургутууну көрдөрөр эксээмэннээхтэр — атырдьах ыйын 10 күнүгэр диэри тиксэриэхтээхтэр.
Үөрэх тэрилтэлэрэ тутар хамыыһыйа үлэтин сэтинньи 25 күнүгэр диэри уһатар бырааптаахтар. От ыйын 1 күнүттэн атырдьах ыйын 10 күнүгэр диэри Уу тырааныспарын институтун баазатыгар тутар хамыыһыйалар эппиэттээх сэкирэтээрдэрэ үлэлииллэр, аадырыстара, Водников уулуссатын, 1 нүөмэрдээх дьиэтэ.
This post was published on 04.07.2023 12:33 12:33