Бу күннэргэ “Сельская школа и образовательная марка-2016” өрөспүүбүлүкэтээҕи педагогическай дьаарбаҥка биллэрбит үөрэх бырайыактарын куонкуруһун түмүгэ билиннэ.
Бу куонкуруска Саха сирин 490 оскуолаларын бырайыактара киирбиттэрэ. Олортон экспердиир бөлөх 11 үлэни салгыы уопсай куоластааһыҥҥа таһаарбыта. Олор истэригэр Орто Халыма улууһуттан икки оскуола: профессор Г.Г.Колесов аатынан Сыбаатай орто оскуолата “Сезонные виды хозяйствования в Арктическом севере как один из условий формирования метапредметных умений учащихся” уонна академик В.А.Роббек аатынан Берёзовка национальнай орто оскуолата “Этнопарк “Мир эвена”” бырайыактара киирбиттэрэ.
Балаһыанньа быһыытынан, бу үлэлэр интернет ситимин нөҥүө уопсай куоластааһыҥҥа таһаарыллыбыттара. Ол курдук бэс ыйын 15 күнүгэр куоластааһын түмүктэнэн, 253 киһи биһирэбилин ылан, Берёзовка оскуолатын бырайыага кыайыылааҕынан быһаарылынна. Онон бүтүн улуус киэн туттуута буолла.
This post was published on 17.06.2016 11:24 11:24