Ыам ыйын 25 күнүгэр Орто Халыматтан Хатыҥнаах сэлиэнньэтигэр барбыт дьон кэлиэхтээх болдьохторугар төннүбэтэхтэрин туһунан Быыһыыр сулууспаҕа сайабылыанньа киирбитэ.
Дьону көрдүү Орто Халыматааҕы ПСО салайааччыта Алексей Тарасов салалтатынан барбыттара. Сатыы көрдөөһүн түмүгү биэрбэтэҕин кэннэ быһааччылар бөртөлүөтү ыҥырбыттара. Ити түмүгэр Хатыҥнаахтан 20 км тэйиччи сиргэ үс эр киһини булбуттара.
Кинилэр улахан ууттан куотан, сыыр үрдүгэр тахсан олорбуттар. Астара үс эрэ күҥҥэ тиийбит.
СИА.
