Орто Халыма улууһугар сыл аайы 14-18 саастаах оҕолор үөрэхтэриттэн быыс булан быстах үлэнэн дьарыктаналлар.
Быйыл 10 оҕо бэс ыйын 10 күнүттэн от ыйын 12 күнүгэр диэри быстах үлэлэргэ сырытта. Кинилэргэ куорат бүддьүөтүттэн, нолуоктары уонна атын ороскуоттары ааҕан туран, уопсайа 295 607 солкуобай төлөннө.
Куорат дьаһалтата уонна олохтоохтор оҕолор куораты ыраастааһыҥҥа көхтөөхтүк кыттыбыттарыгар махтаннылар.Оҕолор үлэлэрэ инникитин үлэҕэ үөрүйэхтэнэллэригэр туһалаах буолуоҕа, биир дойдулаахтарыгар элбэх туһаны аҕалан оҕолор бэйэлэрэ да астыннылар.
Манна даҕатан эттэххэ, от ыйын 15 күнэ Орто Халыма куорат күнүнэн ааҕыллар. Ол гынан баран, бу бэлиэ күнү балаҕан ыйыгар бэлиэтииллэр.
Надежда Егорова, Саха сирэ
