28 Кулун тутар 28.03
  • -12°
  • $ 92,59
  • 100,27

Орто Халыма Налимскайыгар саҥа балыыһа аһыллыаҕа

Читайте нас на
Яндекс Новости
ЯДВ

Алтынньы ый бүтүүтэ Орто Халыма улууһун Налимскай нэһилиэгэр саҥа былыыһа аһыллыаҕа. Тутуу «Доруобуйа харыстабыла» национальнай бырайыак бастакы сүһүөх звеноларын саҥардыы бырагырааматын чэрчитинэн барда.

Саҥа балыыһа аһылларын медиктар да олохтоохтор да олус күүттүлэр. Оройуон атын да нэһилиэктэригэр сыыйа эмтиир тэрилтэлэр саҥардыллаллар. Березовка нэһилиэгэр эргэ балыыһа наар уунан туолааччы, билигин учаастактааҕы балыыһа саҥа дьиэтэ тутуллан эрэр. Өлөөкө-Күөл нэһилиэгэр эмиэ саҥа амбулатория аһылынна.

«Эргэ балыыһаҕа киһи үлэлиир усулуобуйата суох этэ. Ханнык эрэ кэмҥэ олохтоох оскуола дьиэтин арендалаабыппыт. Уонна бу былырыын, дьэ, боппуруос быһаарыллыбыта», — диэн Орто Халыма киин балыыһатын кылаабынай бырааһа Дмитрий Третьяков иһитиннэрдэ.

Сотору кэминэн медиктарга өссө кэккэ тутуулары саҥардыы былааннанар. «Бастакы сүһүөҕү саҥардыы бырагырааматын чэрчитинэн, Арҕахтаах нэһилиэгэр эмиэ саҥа амбулаторияны тутуу саҕаланыахтаах. Ону таһынан, билигин Хатыҥнаах бөһүөлэгэр балыыһаны саҥардыыны былааҥҥа киллэрэргэ үлэлэһэбит. Бу барыта олоххо киириэ диэн эрэнэбит», — диэтэ Дмитрий Третьяков.

Следите за самым важным и интересным в Telegram-канале и WhatsApp-группе ЯСИА