15 От ыйа 15.07
  • 21°
  • $ 87,74
  • 95,76

Орто Халыма куоратыгар саҥа спортивнай комплекс тутуута саҕаланна

10:42, 04 сентября 2018
Текст:
Читайте нас на
Яндекс Новости
ЯДВ

Улуус баһылыгын солбуйааччы Николай Чукров кэпсээбитинэн, «Строймонтаж-2002» диэн тэрилтэ үлэтин номнуо тэтимнээхтик ыытан эрэр. Былаан быһыытынан спорт уораҕайа 2020 сылга үлэҕэ киириэхтээх.

Бастакы бетон атаҕы туруоруу атырдьах ыйын 18 күнүгэр Саха Республикатын Правительствотын салайааччытын эбээһинэһин толорооччу Владимир Солодов кыттыылаах үөрүүлээх быһыыга-майгыга барбыта. Бу дьаһал Орто Халыма куората төрүттэммитэ 375 сылыгар анаммыта.

Николай Захарович телефонунан сэһэргээбитинэн, спортивнай комплекс толору хааччылыылаах, икки мэндиэмэннээх буолуоҕа. Бастакыга 30 миэтэрэ уһуннаах уонна 18 миэтэрэ кэтиттээх улахан волейбол, баскетбол, мини-футбол оонньуур спортивнай саалалаах уонна анал эти-хааны эрчийэр хостоох буолуоҕа.  Иккис мэндиэмэҥҥэ тустууктар эрчиллиэхтэрэ.

Урут бу маннык спорт дыбарыастара Өлүөхүмэҕэ, Чурапчыга, Намҥа, Үөһээ Бүлүүгэ уо.д.а. сэлиэнньэлэргэ үлэҕэ киирбиттэрэ. Бу баараҕай тутуу дойду Аҕа баһылыга Владимир Путин сорудаҕынан Уһук Илин куораттарын сайдыыларыгар анаммыт федеральнай программа чэрчитинэн тутуллуоҕа. Уопсайа Саха сиригэр 1,7 миллиард солкуобай көрүллүбүтүттэн спортивнай комплекс тутуутугар 210 мөлүйүөн үп анаммыт.

Следите за самым важным и интересным в Telegram-канале и WhatsApp-группе ЯСИА