Орто Халыма улууһугар атырдьах ыйын 25 күнүттэн кыстыкка бэлэмнэнэр ититии кэмэ саҕаланна. Оройуон нэһилиэктэрин уонна куорат 4-с уонна 6-с нүөмэрдээх хочуолунайдара ититиини киллэрдилэр. Бу туһунан «Халыма долгуннара» телеграм-ханаал суруйар.
Алтыс хочуолунай ититиини биэрэр пууннара холбонон, дьиэлэргэ, социальнай суолталаах эбийиэктэргэ, толору сылытыы сыыйа тарҕаныаҕа.
Атырдьах ыйын 26-тан, «Южнай» хочуолунай икки сүрүн хочуола холбоноро былааннанар.
Хара чох тиэллиитин үлэтэ 87% туолан, 2200 туонна убаҕас уматык тиэллэн турар. Бу туһунан СӨ ОДЬКХ Орто Халыматааҕы филиалын салайааччыта Третьяков, улуус баһылыгын нэдиэлэтээҕи мунньаҕар иһитиннэрдэ.
This post was published on 26.08.2024 10:50 10:50