25 От ыйа 25.07
  • 30°
  • $ 86,55
  • 94,38

Орто Халымаҕа кыра экологтар кэккэлэрэ хаҥыыр

14:44, 01 апреля 2016
Текст:
Читайте нас на
Яндекс Новости
ЯДВ

Бүгүн муус устар 1 күнүгэр Бүтүн аан дойдутааҕы Көтөрдөр күннэрэ. Орто Халыма улууһугар бу күнү көрсө Айылҕа харыстабылын инспекциятынан „Кормушка-2016“ диэн куонкурус биллэриллэн, түмүктэрэ таҕыста. Ол курдук „Подкорми птиц“ өрөспүүбүлүкэтээґи акция чэрчитинэн оҕо саадын, оскуола оҕолорун ортолоругар бастыҥ көтөрү аһатар уйаны оҥорон ыыттылар. Уопсайа 52 оҕо кытынна, 45 үлэ киирдэ.


Кыттааччылар бары бииртэн-биир хатыламмат кэрэ көстүүлээх уйалары оҥорон сөхтөрдүлэр. Сорох үлэлэр улуустааґы „Сөдүөдүмэ“ уонна „Троицкое“ ураты харыстанар резерваттарга тириэрдиллэн туруоруллуохтара. Атын үлэлэри оҕолор бэйэлэрин уһуйааннарын, оскуолаларын, дьиэлэрин тэлэгэһэлэригэр ыйаныахтара.

Хаартыскаҕа: Суханова Дайаана, Өлөөкө Күөллээґи „Туллукчаана“ оҕо уһуйаанын иитиллээччитэ.

Бу күн кыайыылаахтар Бочуотунай кырааматалыран, сыаналаах бириистэринэн наґараадаланнылар. Ону кытта хас биирдии кыттааччыга анал сертификат туттарылынна.

Хаартыскаҕа: Сыбаатай орто оскуолатын алын кылааһын үөрэнээччилэрэ айылҕаҕа тахсан уйаларын ыйаатылар.

Бу курдук оҕо айылҕаҕа харыстабыллаахтык сыһыаннаһарын туһугар анаммыт акция сыллата ыытыллан, кыра экологтар кэккэлэрэ хаҥыыр.

Хаатыскаҕа: Госинспектор В.З.Чукров оҕо уһуйааныгар.

Следите за самым важным и интересным в Telegram-канале и WhatsApp-группе ЯСИА