«Роснефть» хампаанньа уонна «Орто Дойду» зоопарка үрүҥ эһэлэр Колымана уонна Ломоносов оҕолорун ааттыырга Россиятааҕы онлайн-куоластааһыны түмүктээтэ.
Вилюй уонна Яна диэн ааттар кыайыылаах буоллулар, кинилэр тустарыгар кыттааччы 40% куоластаата. Ол туһунан Ил Дархан Айсен Николаев телеграм-ханаалыгар сурулунна.
Ааттары Подольск куораттан оскуола үөрэнээччитэ Иван Стребнев көҕүлээбит.
«Вилюй уонна Яна — Саха сирин өрүстэрин ааттара. Бу ааттары үрүҥ эһэ оҕолоро илдьэ сылдьалларыттан мин үөрэбин, Саха сирин ураты айылҕатын символлара буоллахтара», — диэтэ Айсен Николаев.
Санаттахха, игирэчээннэр ааспыт сыл ахсынньытыгар күн сирин көрбүттэрэ.
