16 От ыйа 16.07
  • 22°
  • $ 87,81
  • 95,78

Ороссолуодалар арассаада арааһын бүөбэйдииллэр

Читайте нас на
Яндекс Новости
ЯДВ

Ороссолуодатааҕы суортуур учаастакка бу күннэргэ үлэһиттэр ахсыа буолан тиритэ-хорута үлэлииллэр.


Кылаабынай агроном Маргарита Антонова салайыытынан үлэһиттэр: Эдуард Антонов, Сардаана Федорова, Афросинья Борисова, Евдокия Старостина, Маргарита Федорова, Елена Антонова, Любовь Владимирова уонна Альбина Аргунова буоланнар арассаадалары эргим-ургум бэрийэллэр, харах харатын курдук харыстаан «бүөбэйдииллэр»: сыыстарын ыраастыыллар, буордарын көбүтэллэр, арыый да улааппыттарын улахан иһиттэргэ көһөртүүллэр.

Быйыл суортуур учаастак оҕуруотчуттара идэлэринэн оҕуруот араас көрүҥнэрин астарын суордуттан кулун тутарын ортотуттан саҕалаан олордубуттар. Минньигэс биэрэһи түөрт, помидуору биэс, оҕурсуну үс, хаппыыстаны, хортуоппуйу сүүрбэлии, моркуобу уонтан тахсалыы суорду итиэннэ сибэкки эҥин эгэлгэтиттэн үүннэрбиттэр. Күннэтэ хас биирдии угу кэтээн көрөннөр, анал тэтэрээккэ сурунан, агрономҥа отчуоттууллар эбит.

Үлэһиттэр быйылгы саас айылҕа ураты тымныы, былыттаах күннэр тураннар оҕуруот астарын олордууга уустуктардаах буолла дэһэллэр. Сотору Майаҕа кэлэннэр арассаадаларын ортотунан 30‒35-тии солкуобайдыыга атыылыахтара. Оттон бэс ыйын саҕаланыытыгар арассаадалары аны учаастактарга көһөрөн олордуу күрүгүөмнээх үлэтэ саҕаланыаҕа.

Следите за самым важным и интересным в Telegram-канале и WhatsApp-группе ЯСИА