17 Тохсунньу 17.01
  • -48°
  • $ 73,82
  • 83,32

Ороссолуода оҕуруоччуттарын үлэтин тымныы саас да мэһэйдээбэтэ

Сааскы, сайыҥҥы уонна ордук күһүҥҥү өртүгэр улууспутугар өлгөм быйаҥнаах сирдээх-уоттаах өрүс тардыытынан олохсуйбут нэһилиэктэрдээх буоламмыт, киин бөһүөлэктэр, ордук майалар, абыраналлар.


Арассаадаларынан хааччыллыы, күһүн сибиэһэй туох да эбиитэ-кутуута, атын тас дойдулартан тиэйиллэн аҕалыллар, иһигэр туох-туох кутуллубута биллибит астардаах, уустук уоҕурдуута суох оҕуруот астарын атыылаһан сиир астык буолааччы.

Сааһын чаҕылхай күнэ аҕыйах, тымныы тыаллаах дьыл үүнэн «Ороссолуода» ТХПК үлэһиттэрэ арассаадаларын муус устартан бэйэлэрин дьиэлэригэр-уоттарыгар олордору саҕалаабыттар.

Күн-бүгүн итии тэпилииссэҕэ үлэ-хамнас күөстүү оргуйар. Кээпэрэтиипкэ Маргарита Александрова биригэдьиирдээх үс киһи: агроном Матрена Федорова, үлэһиттэр Матрена Сивцева, Ольга Федорова арассаадалары көрөллөр-истэллэр, буорун үлэтигэр Руслан Игнатьев, Степан Федотов көмөлөспүттэр.

Быйыл оҕурсуга түөрт, хаппыыстаҕа биэс уон, помидуорга балтараа тыһыынчалыы арассаадалары олордубуттар.

Күн көрбөт буолан, үүнээйилэр тымныырҕаталлар, улаатыылара-ситиилэрэ урукку сыллардааҕар бытаан, ‒ дииллэр үлэһиттэр. Олордуллубут оҕуруот астарын суортара эмиэ араастар. Ол курдук, тэпилииссэ иһигэр, аһаҕас халлааҥҥа үүннэриллэр арассаадалар бааллар. Анал тиэхиньикэлээх буоланнар, үгэс быһыытынан ыам ыйын бүтүүтэ Аллараа Бэстээҕинэн, Майанан уонна да атын нэһилиэктэринэн сакааска арассаадалары хото атыылыахтара.

0
0
17 января 17.01
  • -48°
  • $ 73,82
  • 83,32