Муус устар 8-12 күннэригэр өрөспүүбүлүкэтээҕи онкодиспансер быраастара Өлөөн улууһугар үлэлээтилэр. Быраастар ыраах сытар Дьилиндэ нэһилиэгэр, Кирбэйгэ, улуус киинигэр итиэннэ чугастааҕы таба ыстаадатыгар сырыттылар.
Бөлөх салайааччыта, мэдиссиинэ наукатын дуоктара Артур Протодьяконов уопсайа 212 киһи көрүллүбүтүн, онтон 18-гар араак ыарыыта уорбаламмытын, аҕыс киһиэхэ эмиэ араак сибикитэ биллибитин иһитиннэрдэ.
Бөлөх нэһилиэнньэни көрбүтүн таһынан олохтоох быраастары онкология ыарыыларын эрдэ быһаарарга үөрэппит. «Онкопоиск» бырагыраама көмөтүнэн ким баҕарар доруобуйатын туругун бэрэбиэркэлэниэн сөбүн иһитиннэртэр.
This post was published on 15.04.2021 16:02 16:02