Муус устар 21 күнүгэр Дьокуускайга Оҕо дыбарыаһыгар 10.00-15.00 ч. диэри Олохтоох салайыныы күнүгэр аналлаах доруобуйа дьаарбаҥката ыытыллыаҕа.
Дьаарбаҥканы куорат дьаһалтата, доруобуйа харыстабылын управлениета, ХИФУ медицинскэй институтун клиниката тэрийэллэр.
Онон поликлиникаларга, балыыһаларга араас биричиинэнэн быраастарга кыайан тиийбэт дьоҥҥо бу күн доруобуйаларыгар болҕомто ууралларыгар кыах бэриллэр.
Дьаарбаҥкаҕа кэлбит дьону терапевт, офтальмолог, эндокринолог, акушер-гинеколог, оториноларинголог, психиатр-нарколог, хирург уо.д.а. быраастар көрүөхтэрэ. Маннык дьаарбаҥаларга мэлдьи буоларын курдук, хааҥҥа белок, холестерин, саахар таһымын, хаан баттааһынын бэрэбиэркэлиэтиэххэ сөп. Ону сэргэ ЭКГ түһүөххэ, хаан уонна иик анализтарын туттарыахха сөп.
