Дьокуускай куорат Борокуратуурата олохтоох дьахтар Арассыыйа сиригэр-уотугар киирбит омук гражданнарын сымыйанан учуокка туруорбутунан холуобунай дьыаланы тэрийдэ. Дьахтар РФ Холуобунйа кодексын 322.3 ыст. буруйданар диэн СӨ Борокуратуурата иһитиннэрэр, Саха сирэ суруйар.
Силиэстийэ көрдөрөрүнэн, буруйдаах дьахтар, 2023 сылтан 2024 сылга диэри кэмҥэ, Дьокуускай куоракка дьиэлээх хаһаайка буолан, материальнай өттүнэн туһанар сыаллаах, тас дойду гражданнарын олорор сирдэрин туһунан 35 сымыйа регистрацияны оҥорбут.
Борокуруор холуобунай дьыаланы ис дьиҥин көрөргө суукка ыыппыт. Оттон дьахтар буруйдааҕа билиннэҕинэ 500 тыһыынча солкуобайга тиийэ ыстарааптаныан, эбэтэр 3 сылга диэри көҥүлэ быһыллыан сөп.
This post was published on 11.10.2024 15:09 15:09