29 Кулун тутар 29.03
  • -14°
  • $ 92,26
  • 99,71

Олоҥхону билиигэ бастакы дьыктаан суруйуута сэтинньи 25 - 30 күннэригэр буолуоҕа

Читайте нас на
Яндекс Новости
ЯДВ

Саха сиригэр сэтинньи 25 — ахсынньы 10 күннэригэр Олоҥхо өрөспүүбүлүкэтээҕи декадата ыытыллар. Норуоту түмэр, култуурунай сыаннастары уонна үгэстэри тарҕатар, норуот уус-уран айымньытын киэҥ араҥаҕа таһаарар сыаллаах дьаһал «Олоҥхо дьыктааныттан» саҕаланыа. 


«Кэнники сылларга Олоҥхо декадата дьиҥнээх норуот бырааһынньыгар кубулуйда. Уутуйбут олоҥхоһуттар уонна ыччат эпоһы толорууга ситиһиилэрэ үгүс. Сүүһүнэн эдэр дьон өрөспүүбүлүкэ олохтоохторугар Олоҥхону тарҕатар. Бэстибээлгэ кыттар оҕолор ахсааннара эбиллэн иһэр», — диэтэ Олоҥхо Ассоциациятын бэрэссэдээтэлэ Февронья Шишигина.

Декада устата элбэх тэрээһин ыытыллыа. Өрөспүүбүлүкэтээҕи национальнай библиотека уонна Олоҥхо Ассоциацията кыттыгастаах ыытыллар «Олоҥхо дьыктаанын» Саха сирин олохтоохторо аан бастаан суруйуохтара.

«Сэтинньи 24 — 30 күннэригэр өрөспүүбүлүкэтээҕи култуура тэрилтэлэрэ бу аахсыйаҕа сүрүн оруолу ылыахтара. Олоҥхо тылынан алҕаһа суох суругу сайыннарыыга уонна аан дойду шедеврын тылын кыаҕын киэҥ билиигэ таһаарыыга кыттыахтара. Оройуоттартан дьаһалы өйүүллэрин, дьыктаан суруйарга баҕалаахтарын биллэрдилэр», — диэн М.К. Аммосов аатынан ХИФУ Олоҥхо научнай институтун дириэктэрин солбуйааччыта Руслан Анисимов эттэ.

Аахсыйаны сылын аайы ыытар былааннаахтар, инникитин Саха сирин нууччалыы тыллаахтара эмиэ кыттыахтара.

Следите за самым важным и интересным в Telegram-канале и WhatsApp-группе ЯСИА
Тутаах тыллар