Өймөкөөн улууһугар быйыл ыытыллыахтаах Олоҥхо ыһыаҕын эбийиэктэрин улуустартан уопуттаах биригээдэлэр туталлар. Матырыйааллара толору баар.
Үлэ хаамыытын бырабыыталыстыба бэрэссэдээтэлин солбуйааччы Сергей Местников көрдө. Аал луук маһы Таатта улууһуттан биэс маастар оҥорор. Биригээдэлэр дьон олорон көрөр трибуналарын тимир конструкцияттан, олоҥхоһут оҕолорго балаҕан туталлар.
Хаҥалас улууһун маастардара сэргэлэри туруоруохтара. Олохтоохтор Чысхаан дьиэтин уларыта тутан оҥороллор.
Саҥа тутуллуохтааах ипподром сиригэр трибуна, күрүө-хаһаа оҥоһулунна. Өссө сүүрэр суоллар, ат ыҥыырдыыр сирдэр тутуллуохтара, уоту тардыахтара.
Сергей Местников бэс ыйын 20 күнүгэр диэри бары бэлэмнэнии үлэтин бүтэрэри соруйда, суруйда регион сүрүн пресс-ссулууспата.
Санаттахха, XVI Олоҥхо Ыһыаҕа от ыйын 1 — 2 күннэригэр Өймөкөөн улууһун Томторугар ыытыллыаҕа.
